Schmafu: was wärs wieda moi mit an gedichtl

Barbara6043, 13. April 2019, um 10:08

Da Jaga
Da Jaga sitzt scho Wochenlong,
die hoibe Nocht am Jagastond.
Ma mecht jo glaub´m, das er durt schlofft,
des is ober völlig foisch gedocht.
Er passt auf a... Wüdsau...
de soll´s angebli durt geb´m,
nur er hot´s nu nier gseh´m.
Und wärend er so sinnt und wocht....
ockern die Sau in da selb´n Nocht,
an gonzen Kukuruzocka um
und die Bau´n jammern donn
dass d´Jaga nix dagegen tan.
Sitzt er donn drennt am andern Eck,
die Sau san gscheit glei wieda weg.
und moch´n auf dem reich gedeckten Tisch,
wo´s da Jaga wochenlong hot ned dawischt.
Ihr wisst´s i sogs eich glei...
a richtig große Sauerrei....ggggg

prinzenberger007, 13. April 2019, um 17:04

nochdems do e a poor jaga gibt
kinans da sicha gebn an tip
is jetzt de sau so schlau
oder san de jaga meistens blau ggg

hubert4450, 13. April 2019, um 19:19

des spü wird da jaga meist valier'n,wäu er hot nur g'wehr-doch d'sau hot's hirn...ggg....

Burgherrin1, 26. September 2019, um 17:05

Was zum Aufheitern Mundartgedicht😜
Vampire san, wie jeder weiß, nix onderes ois Fledermeis.Sie hängan in dea finstern Höhln und tan si ollahond dazöhln.Amoi frogt ane: "No, wie gehts?" Drauf sogt die ondre, " I hob Aids!""Leida hob i mi nix gschissn, und woilos umanondabissn!"A zweite mant: "Mia gehts no orscha, I hob des Bluat gsaugt von an Forscher, weul i glaubt hob, doss er fit is und seither hob i Hepatitis!"Die dritte mant: "A mi hots troffn! I hob bei an Sandler gsoffn und des woa net besonders klug, i bin in Koiksburg auf Entzug!"Do sogt de vierte Fledermaus: „Bei mir schauts no vü schlechter aus! Seit an Joa beiß i jedenfois, unsere Politiker in Hois! I schwöa eich, des hots a net brocht - jetzt bin i deppert wia die Nocht!"😜🤣

EverlTirol, 27. September 2019, um 09:49

amol, da bin oan begegnet,
im Summer war's, es hot grod gregnet
und unter'm Arm da tragt der Laggl
a Riesentrum von an Paradachl,
gea mei, du patschnasser Heiter,
spann decht dei Dachl au'
und geah decht weiter,
jo mei, sogt er,
i bin schun alt,
und des neiche Dachl, des ruit mi halt.

Barbara6043, 27. September 2019, um 16:27

Do san jo gonz versteckte Talente. Super ggggggg

hubert4450, 27. September 2019, um 19:02

a besinnliches herbstgedicht.....de blätter wern imma röta,da jaga geht mit sein köta,in woid-und weihnochtn is a boid....ggg....

zipfer1234, 28. September 2019, um 19:26

toll.....

hubert4450, 28. September 2019, um 19:56

danke-ich weiß-hab mir auch extra wegen dir große mühe gegeben...ggg....

bienchen19, 28. September 2019, um 20:08

Da Wein is a Luada,du schüttst´n in Kropf und moanst er rinnt obi just steigta da z'Kopf.

hubert4450, 28. September 2019, um 20:13

ggg...ned nur da wein, bienchen-beim zipfer bier is a so...ggg.....

zur Übersichtzum Anfang der Seite

Schnapsen-Forum

neue Diskussion erstellen

Einschränken nach…

Kategorien
Suche